【香港美食】體驗漁家風味 香港仔 鴨脷洲懷舊艇仔粉

  【香港美食】體驗漁家風味 香港仔 鴨脷洲懷舊艇仔粉

香港仔呢個地方,唔知大家會諗起d咩呢?海洋公園?珍寶海鮮舫?如果你問住香港仔同鴨脷洲嘅朋友仔就肯定會答你—艇仔粉!

艇仔粉原本是給避風塘漁民食的,因為夠方便,令到佢地可以唔洗特登上岸食飯,但漁民同水上人平時都係捉魚同養魚,真係見到魚都驚,所以艇仔粉內就會加肉,例如:牛腩、燒鴨、叉燒、雞... 不過,聽住香港仔嘅朋友講,賣艇仔粉既粉艇已經越黎越少。香港仔避風塘一帶,只係得返兩三家!所以襯仲未消失之前要好好珍惜呀!流叔—佢就係堅持保留漁民文化嘅其中一人!但要食到呢碗艇仔粉,但要食到呢碗艇仔粉就真係要靠緣份!可遇不可求。

要搵到流叔,最好就係黎之前打一打電話問下佢係邊個位。其實佢通常會喺鴨脷洲街渡碼頭、香港仔海濱公園附近!今次小編終於搵到流叔啦!

終於等到啦!好期待呢碗艇仔粉究竟係咩味道!

等左15分鐘見到流叔架艇仔啦!佢一黎到就問:想食咩丫?什錦河粉好唔好呀? 其實仲有河、米、瀨粉同飯的!

什河配料有:魚蛋、魚片、豬腸、雞腎、腸仔、叉燒、菜等等...只係$30蚊 用發泡膠碗裝着,客人唔洗行落艇到拎!

湯底會用由梭羅、大地魚、九棍做成嘅魚湯,流叔話個湯底每日新鮮熬2個鐘,非常鮮甜。 賣完即止,絕對唔會留過夜!

覺得唔夠飽嘅朋友仔,仲有得加鴨脾同雞髀,雞髀仲幾滑添!鴨髀仲有得簡左髀定右髀!加20蚊有一隻。

有人可能覺得呢一碗只不過係普通嘅燒味粉,不過其實賣嘅都係一份本土情懷,食個風味為主,亦係香港漁民文化之一,都值得一試。

食完艇仔粉,仲可以欣賞下香港仔海濱公園嘅景色。

!

唔知大家又有無去過呢間珍寶海鮮舫呢?其實真係好靚好靚!忍唔住拎部相機出黎係咁影。

香港仔本身是弧形海灣,亦是天然避風港,兼有人工防波堤防,巨浪時停泊船隻也安全得多。

舊式舢舨,極具懷舊風情,難怪成為遊客的觀光景點。大家有時間都可以試坐下!大家有時間其實仲可以去埋海怡半島到睇日落。

艇仔粉位置包括:

珍寶香港仔碼頭

香港仔海濱公園對出

逸港居對出的香港仔觀光舢舨碼頭

鴨脷洲洪聖古廟及市政大廈對出舢舨碼頭

鴨脷洲悅海豪庭對出的海濱公園舢舨碼頭