【玩樂好去處】海邊燒烤場 邊玩邊食睇日落

【屯門—龍鼓灘】說起這個地方,聯想到以前讀中學的時候,特別是中秋節的日子和同學一起去龍鼓灘燒烤,中午的時候就已經要出發去(霸爐) 。但近年常從朋友口中聽說龍鼓灘現有一個海邊燒烤場,環境十分好。適合一家大小遊玩,所以今次小編就約埋朋友一齊去玩返日。

原來早前的龍鼓灘已經轉手了,現在新場主要打造為一個親子海邊燒烤樂園。

重新打造的燒烤場又新又乾淨,坐喺海邊BBQ,感受住海風,聽住海浪聲,又真係幾舒服。仲有好多小朋友可玩的設施。而且燒烤場收費也很親民!另外還有VIP冷氣房,卡啦OK和打麻雀。

帶小朋友BBQ最緊要就係有足夠嘅地方比佢哋放電,呢到有沙灘可以落去堆吓沙,玩吓水。

呢到有唔同嘅遊戲設施,例如有城堡小型公園,夾公仔機。每個小朋友都玩到唔捨得走。城堡小型公園位置鋪上軟墊,減低小朋友受傷的機會。

出租兒童單車、家庭式單車

(小童單車租金$30/小時,按金$100)

除咗有單車可以出租之外,仲有風箏, 沙灘排球, 羽毛球, 堆沙用具..

有蓋BBQ空間,坐的位置非常寬躺。但請注意疫情期間離開座位記得戴口罩。

新開的冷氣房車 BBQ車。

呢到係自助形式燒烤,任食任燒。另有飲品劵可換領飲品,會提供基本燒烤工具用品。食物味道不錯,種類亦多,但提提大家食得哂先好拎呀,唔好浪費食物呀!出去拎野食時記得消毒雙手先。

黃昏嘅時候。大家一定要行出去海邊睇日落啊。呢度睇日落真係好靚。係打卡點黎㗎。

入夜燈光亮起,樹上掛滿色彩繽紛的LED燈,環境十分浪漫。黎緊暑假,大家可同小朋友計劃下來玩返日呀!

龍鼓灘海邊燒烤樂園

地址: 屯門龍鼓灘村136地段 (天后古廟隔鄰 / K52龍鼓灘巴士總站對面)

查詢電話: 2613 8129 

交通: 屯門西鐵站巴士總站乘坐K52總站下車 (車程約1小時) / 免費停車場約60個車位