【元朗好去處】錦田—紅磚屋 歐陸色彩的紅磚屋跳蚤市場

錦田紅磚屋是香港新界錦田的一個跳蚤市場,位於祠堂旁,鄰近吉慶圍,是一處香港旅遊景點面積達2萬尺,內裏52間店舖全部是一間間紅磚建成的小商店。更是本港少有的室內跳蚤市場,遊人不怕日曬雨淋。到訪者大多是元朗街坊和學校旅行團,逛累了,市場有好幾張桌椅可讓你休息,也提供清潔新穎的洗手間予以方便。

錦上路B出口直穿過天橋,過馬路繼續直走,在分岔路轉右。

聽說紅磚屋前身是一間蠟燭廠,所以整個跳蚤市場就是紅磚砌成。

這裏有不同的店舖,油畫、傢俬、家居擺設、古董、水晶、民族服等等...

這是一間貓頭鷹玩具為賣點的鋪頭,喜歡貓頭鷹的朋友們千萬唔好錯過。

呢度竟然有正宗日本木屐賣。小編都忍唔住買番對返屋企。因為喺出面真係好難搵到。

經過呢間鋪就比門口個大公仔吸引住,裏面賣一些古著衣服、懷舊玩具、珍貴舊物、花露水瓶、汽水瓶、火機等...有一些還是非賣品來,只供欣賞。

這家是一間香薰蠟燭店舖,在門外已經聞到清新的香薰味,裏面有大大小小不同的香薰蠟燭,還見識到老闆親自製造蠟燭的過程,真的令我大開眼界!

這家主要買燈飾和電器,款式也很特別,如果鐘意工業風同復古風既裝修嘅你,就一定會喺呢間店舖搵到心頭號。

如果行到攰攰哋,可以喺度休息吓,旁邊仲有幾間小食店咖喱鋪同飲品店。

大家如果有時間仲可以去埋附近【盈匯坊】行下,係用貨櫃建成的。好多人特登會嚟呢個位打卡㗎。

【錦田紅磚屋】

地址:元朗錦田祠堂村地段398至400號

開放時間:逢星期六、日、公眾假期10:00 am-8:00 pm