【期間限定】 STOREROOMS x YES! 深水埗重現舊日YES!Station

唔知大家經過深水埗,有無留意到一間【storerooms】呢度有一間文清雜貨小店,位於深水埗-大南街,其實呢間銷鋪原為網店,前身在旺⻆唐樓經營了六年,2020年搬遷至深水埗。

店主以「美人美物」為宗旨,搜羅各地精美的設計產品,現引入更多本地製作,建立香港人和社區的連結。小店設計簡約時尚,黑白配色的大字招牌,加上白色牆身配落地玻璃,樸實美觀,牆身印有 slogan 的鏡子更是熱門的打卡熱點。

而今次小編同大家介紹就係90年代風靡香港年輕人的《Yes!》雜誌今年30週年,與深水埗 Storerooms 合作舉辦《Yes!》30週年 pop-up,展出雜誌珍藏,重溫昔日華仔、偉仔、城城、周慧敏、梁詠琪等明星的身影。店門外更擺設了十部「Yes!Card」扭卡機,可以扭到當年偶像的舊照。

 YES!呢本雜誌曾經係年青人嘅娛樂潮流指標,能夠登上雜誌封面嘅都係人氣偶像。唔知大家仲記唔記得書籍拼圖、Miss Sex專欄、眾裡尋他、校花校草選舉呢?

想當年,放學同埋朋友仔喺YES! station 到等,一齊喺度扭明星卡,睇吓邊個可以扭到閃卡。80後嘅我哋講起,YES! station,真係童年回憶返唒黎。

而家深水埗大南街就重開咗期間限定嘅YES! Station,展出昔日珍品,重溫扭YES! Card嘅年少感覺!仲連Mirror都有,又可以重拾扭卡追星嘅回憶。

另外,店內亦推出一系列紀念商品,包括YES! T-shirt、菲林相機、地氈同扣針等等...值得大家收藏。

唔知當年大家又鍾意邊位名星,有無試過草零用錢去買明星嘅紀念品呢?大家快啲約埋以前嘅同學仔一齊去回憶一齊(我的追星年代)喇!

【STOREROOMS x YES!】

地址:深水埗大南街172-174地下

開放時間:星期一至日 14:00-20:00

展出日期:即日起至8月