【搵食好去處】 David's Barbecue 大胃燒—不訂位吃不到的串燒店

串燒店堪稱是收工之後小酌一杯, 和朋友大吐苦水的天堂,今次小編就同大家介紹一間位於文英樓附近高質的串燒店【大胃燒】。小編自從食過呢間【大胃燒】之後,一直念念不忘,適逢朋友生日,就帶佢黎食串燒喇。文英街其實仲有好幾間串燒店,但係大胃燒除咗食物價錢抵之外,員工服務態度亦非常好。

呢間門面無其他咁開揚,但無論店內定店外都貼滿左好多老細同啲明星既合照,就知有幾受歡迎啦。

唔好睇小呢度雖然麻雀雖小 但五臟俱全同埋亦都有好多菜式選擇 。

呢到有招牌烤魚,特色燒烤,海鮮﹑肉類﹑素菜樣樣齊,

一定滿足到唔同客人嘅口味。

【鹽燒厚牛脷】燒到剛剛好,不會太乾,非常爽口。

每次食串燒都一定會叫菠蘿,呢度嘅菠蘿係我食過最甜的。

燒茄子燒得近乎完美的,皮焦脆而茄子肉又稔又甜。

【燒雞泡魚乾】

【黑椒牛仔骨】

燒扇貝,熱辣辣,蒜蓉夠多,但仍然好鮮味多汁!

當然唔少得梗係燒韭菜。

食串燒梗係要啤一啤,絕配呀。

不過呢間串燒店,餐廳入邊得二十幾個位,大家如果想去試吓記得book位先,係一定要book位呀。因為每一次去到都全場爆滿。鐘意食串燒嘅朋友可以去試下,價錢非常親民,同埋老闆真係用心製作。

【大胃燒 David's Barbecue】

地址:

九龍佐敦渡船角文英街20號地下

港鐵柯士甸站 A 出口, 步行約5分鐘

營業時間:

星期一至日

17:00 - 03:00

 電話:21770550