【親子好去處】The Big Things 芬蘭式大自然園境的親子室內樂園

室內親子樂園一向大受家長歡,迎勝在比一個價錢玩幾個鐘,又有冷氣。環境又比較舒適。今次小編介紹呢個室內親子樂園【The Big Things】係邀請芬蘭超過40年遊樂場設計經驗團隊攜手合作,創造出一個與眾不同、以大自然為主題嘅兒童遊樂場。

創辦人啟發於自己與女兒一同遊歷世界各地不同遊樂場探索的體驗,最近將很多家長喜歡同推崇嘅芬蘭式遊樂場帶到來香港,小朋友除咗會遇上各種稀有動物同昆蟲,更可遊走火山與沼澤之間。精心設計嘅裝置,玩住鍛練細路肌動技能,同時激發想像力同創造力。場內遊具都是在芬蘭本土製作再運送到香港。

【The Big Things】同我哋平常見到嘅室內遊樂場個風格係非常唔同,呢度主要就係大自然叢林風,大部份都係以實木制式的遊樂設施更加貼近大自然感覺,場內仲會播放動物昆蟲聲,好似身在大自然一樣。

佔據最大範圍嘅大樹大本營係極富挑戰性又好玩嘅攀爬架和滑梯組合,滑梯裡裡外外都係障礙物,好似走咗入去綜橫交錯嘅大樹林一樣,要穿過樹洞、跨過障礙物,對小朋友嚟講係重重挑戰。

【火山滑梯】有兩座唔同高度嘅火山滑梯,要手腳並用爬上火山頂,再滑返落嚟,小朋友要有足夠嘅體力先可以完成。

呢到仲有一個非常受小朋友歡迎的賽車競技場!小朋友在地面拿木頭車之後便走上來放車! 木頭車會由上滑至地面!

(木頭車還要自己組裝的)

場內中間位置,係繪畫區,利用透光底板,俾小朋友勾劃出自己設計嘅動物。另一邊用平板電腦製作以動物為題嘅動畫,製作後會寄回copy俾你。呢啲靜態活動配合動物主題、科技與創意兼備。

The Big Things其實係非常適合大人同小朋友一齊玩,俾小朋友放電之餘,仲可以促進親子關係。呢度嘅遊樂設施主要係2至8歲嘅小朋友玩!而0至6個月大小朋友係免費入場㗎!

【The Big Things】

地址: 荃灣白田霸街45號南豐紗廠204-207號