【親子好去處】海洋公園 水上樂園 小朋友必玩的設施+注意事項

政府向海洋公園撥款超過 100 億港元為園區進行大改造,當中耗資 40 億元經年再建的重頭項目「水上樂園」將會於 9 月 21 日中秋節開幕。大家一定係等左好耐啦⋯

全新水上樂將會是亞洲首個兼唯一一個全年、全天候開放的臨海水上樂園「Water World」,園內分為戶外及室內區域,當中更設有五大主題區,分別是「歡樂堡礁」、「躍動流域」、「絕嶺深谷」、「冒險灣岸」及「迷失部落」,合共打造27個主要景點。

今日小編就去咗試玩!期間好多朋友都問,水上樂園係咪都好刺激,小朋友究竟有咩玩呢?所以小編今次主要介紹小朋友都啱玩嘅設施!有咩要注意。首先嚟到水上樂園門口係幾個方法,可以喺海洋公園正門搭接駁巴士,不過呢架巴士係要上網預約!大家一定要留意番啦!搭的士都可以喺呢個位置落!

入到去就要排隊拎locker。提提大家都係最好上網俾埋錢先,跟住就會有個QR code。可以慳返好多排隊嘅時間。

唔同顏色嘅locker有分唔同大細,越大越當然係越貴喇。要視乎自己嘅物品需要locker嘅大細。之後就可以去更衣室換衫去玩啦。,更衣室裏面有家庭房!

首先一入到黎大家都一定會見到呢個【激流旅程】。沿著戶外漂流旅程盡情暢玩互動水上設施,而終點的無邊際壯麗海景定必能締造難忘的回憶。呢個係非常適合小朋友玩,1.1米水深。沿途仲會有水槍不停向你射水。

室內入邊仲有另一條激流,呢個係可以坐喺水泡上面,不過啲水郁得冇咁快,啱晒比較細嘅小朋友,有單人或雙人水泡選擇。又或者大家玩到攰嘅時候可以坐喺個水泡度唞吓。

【威威水地帶】

威威水地帶是一個大型多層玩樂設施,為父母和小朋友提供一個安全的遊樂環境。相信好多家長帶小朋友去喺呢度已經可以玩到半日。【威威水地帶】呢度有兩條比較長少少嘅滑梯係專比小朋友玩!小編試玩過都有少少速度嘅!建議五歲以下嘅小朋友都要考慮下!

喺呢個位置不停會聽到小朋友嘅尖叫聲,係因為上面有個大水桶,裝滿左水就會倒落嚟,倒落嚟之前會有叮叮聲,大家睇下張相就會感受到小朋友嘅尖叫聱有幾大。

水上樂園都有好多間餐廳,坐位都非常充足。

旁邊仲可以睇其他人玩【神秘迷沖】於直徑2.7米的漆黑巨型管道中與家人和朋友展開漂流冒險之旅,感受急彎旋轉的刺激快感,讓歡樂笑聲充滿整個管道。

【室內天海灣】室內造浪池讓每個探險家沉浸於多種人造浪模式,讓大家盡情投入不同的感官體驗!入邊仲有個舞台有唔同表滇睇,大家可以一路聽歌一路玩水。

戶外有個【湧浪灣】20分鐘左右就會有人造浪啦。不過小編係覺得個浪可以再大啲。所以小朋友玩一定冇問題,但留意返行到最出的話,水比較深,有需要就幫小朋友着返件救生衣喇!

【衝浪先鋒】係香港首個室內衝浪機,為大家帶來超乎想像的滑浪挑戰體驗!考驗大家嘅平衡力。

今次小編就同大家介紹住咁多先,下次就同大家介紹一啲刺激嘅設施!

【海洋公園水上樂園】

開放時間:全年365日

星期一至五:早上10:00-晚上6:00;

星期六、日或公眾假期:早上10:00-晚上7:00