【 葵芳好去處】全港最大喵「碌碌」 5米高肥貓萌爆登陸場新都會廣場

貓奴們...要準備好啦!今個中秋,超爆萌主 —「碌碌」即將空降新都會廣場「喵喵遊園會 Meow Plaza」,陪伴大家打卡放閃,歡度中秋賞月光。不過就算中秋節正日嚟唔到都唔緊要,因為由本月19日起至10月31日係露天廣場及空中花園變都仲有得睇㗎。廣場有多個打卡位,包括「碌碌照相框」、「喵の萌Pat」等,可與巨貓「碌碌」合照。

這隻肥嘟嘟的可愛黃貓年紀小小,但就足足有 5 米高!貓奴見到一定會尖叫。

貓咪名叫「碌碌」,眼仔碌碌,又圓又大,仲有短短美腿,睇到都覺得超治癒!喺商場呢度面你會不停聽到(好得意丫)。

「碌碌」好奇心旺盛,最愛探索新事物,和貓奴們玩線球!所以周圍都佈滿滿色彩繽紛嘅線球!小編初初仲以為係燈籠。

係另一邊,可以同「碌碌」個屁屁合照。其實行近睇,真係好大隻。

而吊橋的另一端特設「碌碌照相框」,還有「碌碌」的肉球掌印,企係這個位置可與「碌碌」完美同框 selfie。

仲可以去造型可愛的「喵咪涼亭」打卡。

大家唔好唔記得一定要上黎空中花園的「貓貓瞭望台」。呢個位可以「碌碌」四目交投,係最佳拍攝位置,可以睇哂整個「喵喵遊園會 Meow Plaza」。

各位貓奴千祈唔好錯過機會啦。快啲搵埋朋友仔去打卡啦。

「喵喵遊園會Meow Plaza」

活動日期:2021年9月12日至10月31日 

活動時間:上午10時至晚上10時

活動地點:新都會廣場L3 - L4露天廣場及L5空中花園