【搵食好去處】你妳youyou 手作芋泥台式小店

疫情下無得飛,又到想念台灣的時候,不如試下地道台灣菜,滿足下心靈。

荃灣呢間新開手作芋泥台式小店,裝修以粉紅色為主嘅「你妳youyou」,裝修好簡約,但一樣可愛及用心。



走進小店之內,一眼睇晒,清新典雅,主打手作芋泥吐司,個個都話芋泥勁足料又香滑有芋香

「芋見咸蛋黃紫薯吐司」 ($48)
呢個配搭可以一口氣食晒三款唔同色嘅餡料,份量十足,紫薯同芋頭嘅厚度係平均嘅,兩者中間再夾一層鹹蛋蓉。足料到爆非常抵食。但由於全部都係咁 dense 嘅料,一個人食四份一件已經飽到上心口。想小試一下嘅同朋友分享就啱晒。


台灣牛肉湯麵$55
通常食台灣菜都必食牛肉麵。呢度嘅牛肉麵湯底好香嘅藥材味,麵係上海麵,好煙韌,牛肉好軟滑好好食。


仙草大滿貫$48
呢碗甜品真係超豐富,可以自己揀想配芋泥/紫薯/地瓜,仙草系底再加雜錦配料,三色芋圓、小芋圓口感煙韌,芋頭味濃的紅豆棉淋,加埋小布丁同水晶,仙草帶有淡淡香味之餘口感亦不錯呀!


芋泥肉鬆蛋餅 $40,蛋餅煎到裡外香脆。

芋泥同肉鬆原來可以咁夾,甜甜的芋泥真材實料,拎上手感覺份外墜手,好足料,一口咁咬落去,芋泥又粉又綿滑,芋頭味勁濃郁,而肉鬆帶出絲絲鹹香味。


你妳you you

地址:新界荃灣運通街 6 號運通洋樓地下 K 舖