【亞洲食品節】一田。夜食桌 台灣人氣美食+宵夜+必買養生茶

生活節奏急速的都市人每天都疲於奔命,一頓宵夜能供給溫飽外,更重要的是滿足疲憊的心靈。一田走訪亞洲各地街頭巷尾,將香港老字號秘製魚蛋、台灣人氣阿宗麵線、日本居酒屋必備一夜干魷魚、韓國國民紫菜飯卷、馬來西亞惹味沙嗲串燒等地道必吃的「深夜食堂清單」帶到全線超市。平時收工收得夜唔知食咩嘅朋友仔,係時候入貨啦⋯

同場更有兩大派宵夜提案:邪惡爆餡芝士氣炸好物、脆炸豬皮小食等「大滿足魔鬼之選」,對上極低卡蒟蒻拌麵、零酒精啤酒等「零負擔天使之味」!以多元的滋味宵夜療癒都市人身心,為一天帶來完美的結尾。

台灣必買豬肉紙!真係好食到停唔到口,夜晚睇波又或者同朋友傾偈食,一流呀!

小編發現台灣人係好鍾意食豬肉乾。

【太陽餅】一包包獨立包裝,非常方便。

有唔同口味嘅炸豬皮,仲有海膽味嘅米餅,非常之吸引!

【真情小月餅】入面係有唔同嘅果仁,幾特別。

【黑枸杞紅棗參茶】

開始入秋,好多女士都即刻會買煲下補品暖身。如果大家冇咁多時間煲不妨可以考慮去呢個,既方便又快捷。一樽,就咁沖暖水 就飲得啦。

其實仲有好多口味同款式,大家可以慢慢揀!

如果講方便仲有湯包,一包加熱就飲得,啱晒大家平時冇時間煲湯嘅朋友。

唔止有台灣食品,韓國麵都有好多選擇。

【一田超市】

地點: 沙田店 / 荃灣廣場226號舖 / 

葵芳新都會廣場3樓特別展場

日期:2021年10月22日 - 11月1日

時間: 上午9時 - 下午10時 (13小時)