【葵涌好去處】有營美食 健康樂活第8屆 香港美食嘉年華載譽歸來

闊別兩年的香港美食嘉年華終於回歸喇!今年由香港中華廠商聯合會所主辦的「第八屆香港美食嘉年華」終於在2021年10月底展開,久違行展,當然小編都要行下買下同大家分享一下。

今年,嘉年華以「有營美食 健康樂活」為主題,將匯聚眾多人氣食品、家電廚具、參茸海味、保健品及本地製造產品等,同場還有大量精彩活動、多重抽獎、攤位遊戲及低至1折的購物優惠。今屆美食嘉年華共設近270個攤位,分布於四大展區,包括休閒食品區、健康養生區、餐飲用具區及全新特色主題區「香港原味道市集」

今年售賣養生、秋冬食材產品的參展商比較多,但留意返展覽不設試食。一齊睇下究竟有乜買喇!

即開即食嘅海蜇!$100有10包非常抵!

唔知大家有冇留意,而家好興酸菜魚包,好處係真係成包倒出嚟,加熱食得,重點係湯包入邊有埋魚肉係到!

每日限量30份嘅頂級牛扒福袋,$399。

仲有好多特色餃子,例如海豐小米餃,真係唔係周圍都有得買㗎。

當然有唔小得嘅海產類,嚟緊12月冬至,依家入定貨就啱唒喇!

仲有唔同國家嘅小食,泰國店賣的菠蘿仔真係超級好食,小編誠意推介。

現在有超勁多不同攤位,大家有興趣可以同屋企人去睇睇,入下貨喇。

【第8屆香港美食嘉年華】活動資料:

日期:2021年10月底至11月

時間:上午10時30分至晚上7時30分(每日結束前30分鐘及最後一天結束前1小時停止入場)

地點:香港葵涌運動場(葵芳站D出口)

門票售價:4元(身高1米以下小童、65歲或以上長者、殘疾人士免費入場;已接種至少一劑新冠疫苗人士每日4時30後免費入場)