【搵食好去處】悦川—川式料理 型格路線的餐廳下品嚐正宗川菜

天氣開始涼啦,有時都好想食下辣野暖下胃,一諗起食辣,就一月會諗起川菜。不過唔知大家又知唔知【川菜】係點黎架呢?【川菜】其實係中國菜中的四大菜系之一,因起源於中國四川地區(含今重慶直轄市)而得名,以麻、辣、鮮、香為特色,以一菜一格、百菜百味而聞名。其中,麻辣是川菜最具特色的口味,居住於此地區的四川人和重慶人也以能吃辣而聞名於世。

近年也有不少過名店江龍、新派川味相繼登場,甚至專攻農家川菜的四川廚師做上門到會,令人着迷的不僅是湯紅油亮的水煮魚或麻辣鍋,還有更多華麗精緻的變奏菜式,將百菜百味重新演繹。

今次小編就同朋友試左一間係荃灣悅來酒店一間新開嘅川菜【悦川】

店舖內的裝修是走型格路線,室內佈局非常有現代感,環境亦非常寬躺,另外還有房和卡位,坐得非常舒適。

餐牌上有好多唔同嘅川菜款式,有得選擇辣嘅程度,紙巾上還印有( 明明很辣卻停不了口,抹抹汗再繼續食),非常有心思。

【滷水豆腐】口感非常特別,唔會太硬,夠唒入味。

【川味炒魷魚】非常惹味的一款菜式,魷魚新鮮爽甜 ,不會炒到太熟令魷魚變硬。

【水煮牛肉】食得川菜當然唔少得叫水煮牛或者水煮魚,見到張相就知非常足料,呢個水煮牛非常正宗,用咗大量辣椒同埋花椒去整,牛肉滑身,聞落都好吸引。

呢個【擔擔麵】係好好食,麵唔會太淋 湯底亦都好好味。一定要試。

【紅油抄手】呢個一上枱,即刻秒被朋友清空。

啱啱小編食左咁多款,其實只係餐廳個係午餐set,兩個人絕對係食唔晒,價錢仲要三百蚊左右,非常抵食。最值得一讚嘅喺呢度嘅店員非常有禮貌!如果大家鍾意食辣嘅可以黎試下㗎!

【 悦川】

地址 :荃灣荃華街3號悅來坊2樓201號舖

電話:27276388  

營業時間:星期一至日11:00 - 23:00