【搵食好去處】樓下冰室— 傳統霓虹燈招牌下品嚐豉油西餐

茶餐廳係一種香港起源嘅快餐食肆,提供揉合咗香港特色嘅西式餐飲同埋部分粵式食品,係香港平民化嘅飲食場所。隨住香港人口嘅移動同埋香港文化嘅傳播,香港以外嘅地方都唔難搵到茶餐廳嘅蹤影。呢間【樓下冰室】,【豉油西餐】又稱港式西餐,可說是香港人的集體回憶,小編係比佢d字句同裝修吸引咗入去試吓。

眼見裝修好特別,座位又闊落,傳統霓虹燈招牌,路牌等等,

絕對係打卡位。門口招牌上寫住【蕃茄湯·瑞士雞髀專門店】。

唔好睇小一間普通茶餐廳,呢間茶餐廳早在荃灣已經打響名堂,無論咩鐘數都有好多人喺門口排隊。

餐廳裡發現好多懷舊玩具在層架上。而家想搵返呢啲都應該比較難。

/

天花板上掛了懷舊招牌,吊燈 ,路牌等…懷舊氣氛,坐落舒適自在。

熱飲的杯子和胡椒粉樽,而家都真係好少地方可以見到。

【招牌瑞士汁雞髀,雞全翼】

雞髀肉質勁嫩滑,瑞士汁好入味,唔太甜,另外,瑞士雞髀其實係可以叫店員斬件上,食起上黎就會方便好多。

【蕃茄濃湯通粉】

話明專門店,咁緊係一定要試佢地既招牌菜啦,由4個品種的新鮮番茄做成的番茄蓉,加入以雞骨、豬骨日日新鮮熬製的湯底,蕃茄湯好濃,多蕃茄粒,食落微酸,另外配有炒滑蛋,超級正呀。

仲有叫左小編去親茶餐廳都要叫嘅西多士,炸到啱啱好,熱辣辣,仲要有經厚嘅牛油。

最重要嘅係【樓下冰室】堅持不加味精,選用食材方面亦相當講究,難怪盡得食客歡心每日都排長龍啦。

【樓下冰室】

地址:荃灣荃華街16號荃薈商場地下G45-G54號舖

電話:2880 5788

時間: 7am-10pm