【香港原味道】一鍋堂火鍋放題 16款香港最愛的特色湯底+任食和牛

冬天大家一食飯,都好似離不開打邊爐,今次小編要介紹呢間 位於大鴻輝(荃灣)中心的 【一鍋堂】。

相信好多人經過呢到都會見到過好多人喺度排緊隊,而大部份排嘅就係呢間【一鍋堂】。

小編雖然鍾意打邊爐,不過我哋對食物質素都有要求嘅。今次係主攻牛同靚湯底。

以往經驗,呢到係多人到門口都係位企,所以黎之前早好上網拎定飛,減少等候嘅時間,黎到門口比店員睇個Number黎到咁就好快有位啦!

入咗之前店員會問你幾位,同埋要揀好食咩餐同咩湯底先可入座。小編今次就揀咗C餐,M5和牛板肉。(溫馨提示,小朋友過咗130cm高計成人收費。)

店內有卡位,有窗邊位,有房,有圓枱,座位寬躺。

出邊有唔同嘅小食任拎,仲有自家製飲品。當然小朋友最鍾意嘅就係雪糕,雪糕味道日日都唔同,今次就係芝麻雪糕。

有唔同嘅調味料,方便客人自己調教自己喜歡嘅醬汁。

而我哋今次就揀咗粟米豬骨湯,湯味清甜滋潤。清淡湯底用來吃火鍋暖胃又健康!

我哋係不停咁食M5和牛。其實如果鍾意食牛嘅朋友就會抵返唒。

而自家制嘅茶大家有興趣都可以試吓。

如果大家都鍾意打邊爐嘅都可以考慮吓呢間火鍋放題。

基本上佢嘅食物都有返咁上下質素。

【一鍋堂 荃灣店】

地址:荃灣眾安街55號大鴻輝(荃灣)中心19樓

電話:24083771

時間:星期一至日11:00 - 22:00