【迪士尼樂園】A Disney Christmas 10米聖誕樹亮燈+必睇巡遊匯演攻略

香港每年都會有地方區落吓雪,等我哋可以過一個浪漫嘅白色聖誕節!香港迪士尼樂園由即日起至2022年1月2日推出【A Disney Christmas】,一班迪士尼朋友換上聖誕裝扮,夢寐以求的白色聖誕即將在香港迪士尼樂園度假區出現!今日小編同大家一齊睇吓聖誕迪士尼有咩玩喇!

一入到門口就會有打卡位,【夢想成真聖誕樹】,夜晚仲會有夢想成真聖誕樹亮燈禮。

迪士尼四處都有聖誕裝飾,同埋換上聖誕裝扮。去到真係好期待快D到夜晚。

如果你係Duffy或者係Duffy一班好朋友嘅粉絲,除咗可以喺美國小鎮大街同佢哋影相之外,佢哋仲會換上特色嘅冬日服裝參與「Duffy 與好友冬雪歡樂巡禮」,入場之後要睇下時間,記得唔好錯過,一日有2埸㗎!

【米奇與好友聖誕舞會】

聖誕節入嚟香港迪士尼樂園就梗係要悉心打扮啦,因為要參加米奇與好友聖誕舞會呀!呢個米奇與好友聖誕舞會喺城堡前舉行,由米奇老鼠同一班好朋友以聖誕音樂同舞蹈表演,令大家投入高漲嘅氣氛!如果想企前D,記得早D去搵個靚位呀!

入夜之後,美國小鎮大街就亮起燈飾,聖誕節嘅香港迪士尼樂園就更加浪漫!

夜晚,除咗舞台表演,大家記得睇埋夢想成真聖誕樹亮燈,亮燈儀式,象徵住快樂、夢想同聖誕嘅祝福。亮燈儀式期間仲會有煙花效果,真係好靚!

提提大家都要記得去城堡影返張相,入夜後既城堡係粉紅色,非常夢幻。

香港迪士尼樂園【A Disney Christmas】2021

日期:即日至2022年1月2日

溫馨提示:

匯演時間每日不同,官方網站查看當日時間表先可作準