【搵食好去處】灣仔—ULURU 手繪畫主題café—簡單-簡約-黑白美

如果自問鐘意到特別嘅cafe打卡的朋友們,就一定要睇呢一篇喇,因為小編今次要介紹一間漫畫式Cafe,呢度裝修非常特別,令人好似置身喺夢幻嘅漫畫世界裏,呢間就係位於灣仔的【ULURU Cuisine】。整間餐廳的白牆都畫滿手繪壁畫,每個角落都充滿打卡位!店內以西式fusion菜為主,下次到灣仔搵食不妨一試!

【ULURU Cuisine】的外牆也有著獨特的黑白壁畫,每位客人入到黎都一定不停咁影相。由門口沿樓梯上到一樓,全間cafe 用簡約的黑白色作為裝修,黑白手繪畫作為牆身,真係夠哂特別。

店舖裏非常寬敞,有梳化位和圓枱,坐喺cafe有一種清新舒適感覺,可以放鬆一下心情。

店員還介紹店內的每一處牆壁,也是這種黑白色的手繪壁畫。原來牆上的壁畫是由一班修讀藝術的同學親手繪畫。

知道了壁畫的來歷後,感覺更加要影盡店內每一處。

大家可以利用壁畫上的鏡子,把自己反映入這個黑白平面世界。

【彩花之里· 溫室下午茶】

如果朋友們係比較多鐘意食甜品,呢個就岩哂喇!

咸點有泰式炸魚蛋,吉列炸蝦。

【ULURU rose tea 】

飲品都做得好靚,打卡一流,又吸睛又好飲。

【炸香脆薯條 配 黑松露蛋醬】

呢個醬真係好好食, 好香黑松露味又好幼滑, 仲配埋蛋黃醬真係食唔停口。

大家有興趣都可以黎打下卡,食下野。不過,最值得一讚嘅,喺呢度嘅店員非常有禮貌,仲會幫我哋影相,教你係邊個位影會靚啲!

【ULURU】

地址:灣仔春園街1-11號1樓

開放時間:中午12時 - 晚上11時

交通:港鐵灣仔站A3出口,步行大概5分鐘