【秋季郊遊樂】尋找蜘蛛俠 川龍隱世農莊燒烤樂園

以前嚟川龍都系飲下茶、行下山,都會經過呢個燒烤場,環境清幽,地方光猛闊落,而且中間有一大片空地,十分適合小朋友玩。




可以坐小巴或者巴士上到川龍落車,但平日巴士就比較耐,一個鐘先有一班,如果自駕,場外大把泊位,點泊都得,就可以直到燒烤場。


一入場就見到老闆個珍藏,好多小朋友都系被spider man吸引而來的呢!


入場俾錢,老闆很nice,本來我沒有預約,但老闆特登都加左張檯比我地坐,後來來了很多人,原來今日都full booking呢!


呢度起爐十分架勢,有個哥哥仔拉住支石油汽過嚟,一開火前後不用5分鐘就起好爐,仲火光熊熊,可以馬上開動啦。


呢度收費星期一至四,成人收$128,小童收$88,而星期五至日、假期,成人收$148,小童收$108,無時限,但據知特別日子就有分時段。

5人以下一個細爐,包一樽蜜糖及一包炭同埋餐具,而5人以上就一個大爐,包兩樽蜜糖及兩包炭,額外再要炭就每包$28。

此外,呢個收費都包左一支750ml蒸餾水及一罐汽水,比錢時會派張換領卡,自行前往裡面櫃台換取。


除了飲品、還有雪條、甜筒同一啲零食,價錢都唔貴,仲可以帶啲私伙海鮮嚟燒。


任食燒烤當然要睇睇食物質數啦,呢度用一大個雪櫃放晒所有生肉、蔬菜,不時補充,都甚少見某款食物缺貨。


款式都算幾多,包括:黑椒牛扒、漢堡扒、黑椒豬扒、蒜香豬扒、蜜汁金沙骨、蜜汁豬頸肉、黑椒雞扒、蒜香雞扒、黑椒雞翼、蒜香雞翼、咖喱雞翼、瑞士汁雞翼、香茅雞翼、黑椒雞腎、獅子狗魚蛋、芝士腸、雞肉腸、紅腸、咖喱魷魚、三文魚頭、秋刀魚、多春魚、雜丸、燒賣、金菇、雞脾菇、冬菇、韭菜、菠蘿、車厘茄、茄子、豆卜、粟米及蕃薯。

而且,同一種肉類,有多款味道選擇,好似雞翼咁就最多,就足足有5款味道:黑椒、蒜香、咖喱、瑞士汁及香茅,而且,每款味道都做得唔錯,唔會食嚟食去都喺嗰隻味,老闆都花左唔少心思啊!


大部分肉類都醃得幾好,恰到好處。



雪櫃旁仲有十多款調味品及錫紙,牛油等等,可以包吓啲雜菌,菜等拎去烤焗,不用自費買鍚紙,十分貼心。

特別之處系呢度竟然有三文魚頭,燒完再加d味椒鹽,簡直一流啊!

另外,還有蕃薯,方包,粟米等一早包好,放落去就燒得,真系好方便。


另外,衛生方面真系做得幾好,場地乾淨企理,而所有食物都放晌雪櫃裡面,有不銹鋼夾可以用嚟夾生肉,側旁嘅方包亦有玻璃櫃冚住。


廁所更加一d異味都無,好乾淨。

呢度除了燒烤場外,還會租農地俾有興趣的朋友種菜,

佢經常系場內穿插,望望你又走左去,不過都未必成日可以見到佢架,因為有時佢會去左出面散步!


另外有有消暑玩意$10/7個,小朋友超開心。


自己帶足球來,又有超大地方玩

仲可以跳大繩,大把空間


細個既小朋友就有大把車車玩。


呢度最好就系不限時,可以由早燒到夜晚,夜晚景色都唔錯呢,週圍都有一閃一閃既燈,中有大大個月亮,好寫意。


餐廳資料:

川龍開心坊農莊樂園

荃灣荃錦公路川龍村橫龍121地段

2490 9222 / 5114 4534(記得預約啊!)