【揾食好去處】荃灣熟食中心 臥虎藏龍 高質味蕾享受

江記麪檔已經有三十年以上歷史,鋪頭位於香車街街市,不少荃灣街坊由細幫襯到大,大大話話食左廿幾年,屬於係佢地嘅童年回憶。


聽街坊說,雖然味道上有少許轉變,但感覺依舊。而且不論相隔幾耐黎到,老闆都會記得你食啲乜,這些就是舊社區特有的嘅情懷。


每到午飯時間都大排長龍,那麼多街坊光顧,說明這是一間有保證,有歷史的店舖。


江記家庭式經營幾十年,獨沽一味,只做麵,,餐牌非常簡單,只有上海麵、雲吞、鳳爪、榨菜肉絲和牛腩



而且,呢度係冇飲料供應,但完全不介意你叫隔離茶檔嘅咖啡、奶茶、汽水等,都系$12蚊杯,非常抵!


開放式麵檔廚房,簡簡單單的幾張圓枱櫈,枱上有經典銀茶壺筷子桶,調味四寶,非常地道,選擇簡而精。


來到江記,必叫鎮店鳳爪,鳳爪用古法製造,被炸過後用配有花椒八角等香料的甜滷汁淆製而成的,口感諗而不爛,外皮仍舊有咬口,從外皮到膠原位都富帶含滷汁香味,入口皮肉分離, 正正就是幾十年前酒樓點心那種,  做法與水準依舊和幾十年前一樣,實在 好難得, 果然名不虛傳。


雲吞就是自家包製,平日可以見到師傅親自碎菜碎肉,雲吞皮皮很有質感,裡面鮮甜多汁,又大大粒!


湯頭是帶稍甜的鳳爪滷水汁和微辣咸香的咸菜,配上粗幼適中彈牙嫩滑的麵條,單配湯食都令人相當滿意。


江記

香港荃灣福來村香車街街市24-25號舖

星期一:全日休息

星期二至日:08:30 - 15:00

(江記比較早關門,下晝3點關門