【玩樂好去處】台風 1,400呎自助蛋糕店 烘焙工具材料 任你整

入到去,馬上有職員同我地探熱,同消毒。

揀好個蛋糕,比埋錢就可以開始啦!預計會整2-2.5個鐘。


店方會提供圍裙,另外一個籃放隨身物品,一個計時器

之後,就俾部iPad 我地,講解下過程同材料區等等。

全店的工具同材料都係自助,而且ipad有講明用咩工具材料嘅份量,非常方便。

一開始先量好材料嘅份量。

IPad會有短片加文字講曬需要咩材料,整蛋糕的步驟等等,十分詳盡。


之後由整麵糊,打蛋白,倒模,入焗爐到裝飾蛋糕,都係一手一腳自己做。

小朋友都可以handle到!

有吾明白既地方都可以揾職員幫手,他們都好熱心。

等候蛋糕出爐期間都好期待呀!

店員都能細心為我哋解答同解決問題,甚至有幫忙處理特別難的步驟。


食譜圖文並茂,每一個步驟同食材分量都寫得好清楚,跟住做輕易就整到啦!

 唔識嘅亦可以問請店員幫忙。


蛋糕第一次整都好順利。

每個系列蛋糕都有提供裝飾。


若不夠可以到加購區選擇自己喜愛的裝飾品。


最後仲有得意打卡位。


場地面積超大,環境寬敞舒適。店家提供曬烘焙工具、焗爐、圍裙,更有50多款甜品電子食譜任你選擇。

所有用完嘅用具都可以就咁拎去比店員洗,簡直快靚正!


月球蛋糕。

珍珠伯爵奶茶戚風。

玫瑰兔戚風。


地址:荃灣楊屋道18號荃新天地2期地下27號香港
聯絡:www.facebook.com/homebakingdayhk
開放時間:一至日 10am-10pm