(有片)「鵝們這一家」 冰極玩樂

海洋公園前牌推出左港人優惠,只要係疫情閉園期間係你既生日,你都可以網上登記同預約入場。

小編梗係唔輸蝕,趁放假就一家大細都入場行下睇下啦。

8.jpg

每一次黎,我都一定會同我女朋友 (依家既老婆)去呢間冰極餐廳果度食野,貪佢咩?就係又勁清涼既冷氣同埋一路食野一路睇肥嘟嘟既企鵝囉。

1.jpg

幾年後再黎呢個地方,多左一個豆丁,一入到黎都未坐好,佢就指住要睇企鵝啦,同時我地都點左好多唔同既美食,果然保持到水準。

2.jpg

但佢呢度有個大問題係,我地4個人比左一張方形既枱比我地,野食放完唔夠放我地既餐具,希望佢地會有改善。

疫情期間,佢地要控制每張枱既距離所以人數少左,空間感多左,無咁嘈吵,整體環境非常乾淨,而睇企鵝真係握手區黎嫁,小朋友都勁開心,影相打卡就一流啦。

重點提提大家,岩岩一開始入黎係真係好涼爽,但坐坐下真心凍,所以建議大家帶多件外套保暖喔。

咸蛋黃薯條:

7.jpg

呢個係我女最愛, 有咸蛋黃既香味, 薯條仲要熱辣辣同埋夠挺身! 

忌廉汁煙肉帶子意粉:

4.jpg

唔洗講,次次黎都必點,仲要次次都係二人份量,佢既醬汁唔會覺得滯,帶子鮮甜唔會好韌,意粉又煮得岩岩好。

香煎三文魚伴檸檬牛油汁:

6.jpg

重海水味,無骨岩曬小朋友食,連我作為大人都覺得好正,好似返番去細個食魚果時咁,阿媽已經幫我去晒骨一樣,食得好安心。

蜜汁雞翼:

5.jpg

入味,勁有水份,唔會乾柴柴,叫左兩碟都唔夠食呢,似BBQ果種,但係又無BBQ果種食完會覺得熱氣既感覺。

京式燒鴨薄餅:

3.jpg

甜得黎但又脆既批底,但係鴨肉真係好入味,成個薄餅食落去即頭係北京填鴨,不過包住佢個皮變為薄餅,口感特別。

各位不妨把握海洋公園免費入場既機會,玩到肚餓就黎宜間餐廳食返餐飽既,然後再戰機動遊戲啦。

有片:冰極餐廳