老字號唔代表真係只有老舊野 - 華記車仔麵




住左青衣咁多年,始終都係中意呢間華記小食店,其實佢主打係車仔麵。眼見好多人都突登揸車入黎幫趁佢,你就知佢既魅力係幾咁驚人!

鋪頭隱藏係涌美村既一角,環境勁開揚,最起碼係聞住周邊樹林既氣息去品嚐呢碗車仔麵。


由爸爸傳到比個仔 - 人人都叫佢做「王子」, 佢將一間唔起眼既車仔麵店做到一個好似食fusion菜既車仔麵店咁, 由舊時車仔麵既配料;去到極具創意既新配料,每一份食材都係用心去造,鋪頭門口仲有大大個招牌話比你知總廚對於自己既出品係幾有自信。


▼ 一早起身, 7點半我地就黎到鋪頭等佢開門,總廚兩公婆一大早就整好曬所有食材, 牆上有林林種種既餸款,咁我當然唔會一早睇字啦,低頭就會見到佢地將大部份既餸都放曬係檔口果度,有透明既板擋住,好衛生嫁。


▼ 九格有湯既餸格,一排排整齊既餸放曬係面前,我次次黎到都一定要叫佢比個大碗,我要叫好多餸。



▼ 鳳爪:呢一味係新菜式,第一唔會有雪藏味,啜到D骨都好有味,呢個好正好野味呀。


▼ 牛膀:我其實好怕但又好中意食呢一味送,怕係怕好重血腥味,但王子處理佢竟然可以做到無血味之餘勁有牛味,呢個必食!


▼ 牛骨髓:呢個我無咩點食過,但我見我朋友次次黎都一定點,都話好食~


▼ 滷水蛋:入味得黎但又唔會係鐵蛋咁硬,我有朋友次次黎都要食兩隻。


▼ 冰陣鵪鶉蛋:你估唔估到咁樣都可以做到流心,仲要係粒粒都勁光滑,王妃話呢幾粒就用左成粒中去處理,有時嬲嬲地唔想出,但D客中意食,唯有訓練下自己耐性啦。


▼ 豬皮: 吸湯汁必備食材之一,你唔會唔食掛。


▼ 雞翼尖:如果同朋友一齊黎食,妹下妹下,傾下傾下,又真係幾正。


▼ 牛筋:好似食緊花膠咁,林得黎有口感,入味得黎無雪味。


▼ 牛腩:我食牛筋所以無食牛腩,但都係好多客人必點既餸之一。


▼ 咖哩魷魚:佢D咖哩汁真係會令你食完想再食,你可以單叫加咖哩汁又得,叫呢個咖哩魷魚食都得,本人勁愛魷魚,呢個無得輸啦!!


▼ 牛肺: 入味又爽口!完全無腥味。


▼ 牛肚:我朋友飲茶唔食,但黎到呢度必點,真係好好食咁話喎。


▼ 雞翼:大隻得黎又入味,我唔識形容,好似端士雞翼但又無佢咁甜,老水雞翼但又唔係咁重藥材味,總之兩個字,好味!


▼ 紅腸:你唔會諗到一個加工既食品都可以食到王子既誠意


▼ 辣椒油:華記招牌,聞說好多人都特登搵王子訂,係現場食過一次你就會次次黎都問有無得買,出面既潮州辣椒油對比起佢,真係公仔麵同手工麵既分別!


蘿白:好食到我漏左影底佢,我試過一次叫兩份自己食, 真係好清甜, 無渣!!

鋪名:華記車仔麵

地址:青衣涌美村 90 號地下

可堂食、外賣自取